كامل الاوصاف فتنى

والعيون السود خادونى

من هواهم روحت اغنى

اه ياليلي يا عين

يااااا ليل

العيون السود رموشهم ليل

ليل بيحلم باللى غايب باللى غايب

العيون السود خادونى اه يا قلبى ياللى دايب

علموك تسهر تغنى علموك شوق الحبايب

علموك تسهر تغنى علموك شوق الحبايب

علموك تسهر تغنى تغنى تغنى علموووك شوق الحبايب

ليه يا قلبى ليه

ليه خادونى ليه

توهونى غربونى

العيون السود

كامل الاوصاف فتنى

والعيون السود خادونى

من هواهم روحت اغنى

اه ياليلي اه ياعين

قالوا الصبر قالوا الصبر بحوره بعيده بعيده

قالوا شفايفه قالوا شفايفه نايات بتقول تنهيده

وسهرت استنى والنجم معايا

دوبنى ودوبنا فى عيون نسايه نسايه

ليييه يا قلبى ليه

ليه خادونى ليه

توهونى غربونى

العيون السود

كامل الاوصاف فتنى

والعيون السود خادونى

من هواهم روحت اغنى

اه ياليلي اه يا عين

بسم الله الرحمن الرحيم

للاسف لسه فى ناس كتيره عندها داء او مرض اللوكلوك او اللكلكه سميها زى ما تحب بس فى كتير عندهم الداء دا والداء دا ياريته

بيقتصر عليه وبس لأ دا ممكن يسبب عدوى للناس اللى حواليه ..يعنى مثلا انت تبقى قاعد فى امان الله وتلاقى شخص ما جاى

يقولك ايه يابنى انت ازاى تعمل حاجه معينه ولتكن كذا ..وانت بكل استغراب تقول ..انا! ..والله ما حصل ..يرد عليك ويقولك ياعم انا

سمعت كدا والكلام كتير وبيتقال وبيترمى وانت نايم فى العسل ..ساعتها تبدأ علامات التعجب والاستفهام تظهر على وش البنى ادم

ويقول لنفسه الا ايه مصلحة فلان انه يجيب فى سيرتى بلاش كدا ايه مصلحة فلان انه يقول مثلا انا واودى عملنا شىء معين او حدث

معين مع ان دا ما حصلش ..مش انا لوحدى حصل معايا كدا اكيد انت كمان واكيد انتى كمان بيطلع كلام كتير مالوش اساس من الصحه عليك وبرضه بتبقى مستغرب ومندهش ..

ويتنسب فجأة افعال واحداث الشخص مش بيعملها واللى فى نظرى بعتبرها ظلم كيانى ونفسى لاى شخصيه..

مش عارف ليه انا مش مستصعب الكلمه ولا الجمله دى ..خليك فى حالك سهله وبسيطه ومعبره جدا ..فيها ايه لو كل واحد ركز فى

نفسه وركز فى شغله وبس او ايا كان اللى بيعمله شغال فاضى ومش وراه حاجه ويخليه فى الفضا بتاعه..وليه يقضيها رخامه ولوكلوك

عالناس ما يوفر اللوكلوك دا لنفسه ..وليه يطلع كلام ما بيحصلش مع انه عارف انه كداب وانه ممكن يسبب مشاكل كتيره لشخص تانى

لان اى حاجه بتتقال وزى ما سميته داء او مرض بيسبب عدوى للى حواليه لان اللى حواليه مش حيسكتوا ..ازاى بقى لازم يقوموا

بالواجب الوطنى ويكملوا اذاعة البى بى سى وروبتروز ..ويكملوا مسلسل الكدب والفشر..طبيعي مش كل الناس كدا ..وطبيعي مش

كل الناس بتخليها فى حالها ..وطبيعي برضه مش كل الناس اللى بتعمل كدا زى مافى كدا فى كدا ...فى ناس تلقائيه جدا ومع نفسها

وما يهمهاش فلان عمل ايه او خلا ايه او سوى ايه ..كل اللى يهمها التعامل مع الشخص اللى قدامها ...وفى ناس ما تفوتش عليها الفوته وتعمل فيها بيل جيتس وفاهم ويقول اى كلام فى الهجايس واهو هجس فى هجس بتساوى هجس اوس اتنين..يعنى

تتعامل عادى مع كله .. بس ملكش دعوه بخصوصيات غيرك خليك فى حالك يعنى ما تبصش غير لنفسك يعنى ما تبصش غير لافعالك ..ولما تقول كلام

تقوله بالحق اذا انطلب منك وما تقولوش اذا كان سر حتى لو انطلب منك ..راجع افعالك وتصرفاتك وكلامك وما تتهمش اى حد بالباطل وتسيط والسلام واسمك عملت انجاز

يعنى ارجع واقولك فى الاخر خلييييك فى حاااالك!#

بسم الله الرحمن الرحيم

بسم الله الرحمن الرحيم

جربت فى مره تطلع 3 بالليل كدا فى البلكونه وشك للنجوم وبتفكر ..خيالك سرح منك وحسيت انك بتكلم نجمه فيهم وهى بترد عليك..

مره فى مره تلاقى نفسك قاعد جنب نجمه فيهم فوق وعالى اوى .. مره تانيه حسيت انك استحاله تطولها او تلمسها بايدك جايز تلسعك..بالظبط كدا البشر..بستغرب اوى مش اوى لأ بستغرب جدا لما الاقى اتنين بيضحكوا وواحد فيهم ياخد نفسه جااامد ((هوووو)) وبعديها علطول يسمعك جمله يقولك فيها خير اللهم اجعله خير..يحسسك بان  الضحك حيموته خلاص او ان الضحك حاجه وحشه المفروض ما نعملهاش..مش غاويين نكد بس طبيعه وبنشوفها..ويا سلام لما تقابل حد وتقوله ازيك اخبارك ايه يقولك انا حصلى كذا كذا كذا ويقلب حياته نكد فى الاخر ويقولك تعبان مش عارف من ايه ومن ايه وبعد كدا يقولك بس الحمد لله على كل حاجه يعنى اخر حاجه تيجي فى دماغه الحمد لله ..

والانكت لو واحد حب يجاملك ويقولك انت انسان كويس انت محترم انت جميل انت وانت ..بس اللى اكتشفته اخيرا ان زى ما بين العبقريه والجنون شعره او خيط رفيع..برضه بين المجامله والنفاق خيط رفيع.. بل بالعكس الاتنين اشبه ببعض بس تفرق النيه اللى جوا الانسان اللى بيجامل ..

خير اللهم اجعله خير يا اودى يا خويا انك بدأت تسرح بخيالك كتير..شخص ممكن تقعد قدامه كتير عشان تفهمه وبرضه طالبه معاك انك ما تفهموش وتقعد تفكر فى ملامح وشه وتعابير وشه وطريقة كلامه انك تطلع منه بحاجه مفيده ابدا وكتير بتحصلى يبقى فلان مثلا دا مش فاهمه او دماغه مش عاجبانى ممكن يتكلم جنب ودنى بتاع ساعتين وانا مش سامع ولا كلمه واللى نازل عليا اه صح طب ليه ولو قالى احنا كنا بنقول ايه حقوله الله اعلم او حزوغ بطريقه ما ...وشخص تفهمه من عنيه او من طريقة كلامه وتقدر تحدد ملامح شخصيته وتقدر تدخله بطريقته لانه بيساعدك على كدا من خلال فهمك ليه ...

طيب تجاوبت مع شخص وبدأ كلام بينكلم وزى ما بيقول بترد وزى ما بيقول السؤال بترد على قد الجواب ..وبتريح خالص بطريقة انتخيه باحته علشان بتتكلم كتير معاه بس هل الشخص دا فعلا انت بتستريحله ..مش شرط انك تتكلم مع حد وتتجاوب معاه فجأة يبقى استريحتله واستريحلك..

طب فجأة الشخص دا بقى جنبك اوى واتكلمت معاه اوى فى الحاله دى فى حالتين يا اما صاحبك يا اما مش صاحبك انت ممكن تعتبره كدا وهو لأ زى ماكلنا بنعمل او بنقول دا اه ودا لأ دا تمام ودا لأ..

بس المشكله ان الشخص اللى يقرب منك اوى ممكن يلسعك فى لحظه من اللحظات ويتحول ساعتها لشخص اشبه بالابالسه وتبدأ تندم انك فكرت ولو للحظه انك تعتبره قريب منك ..او حتى تقول دا تمام او تندم على كلمه قولتها فى حقه كويسه ..

البنى ادمين انواع زيهم زى النجوم كل حد فينا بيتخيل نجمته على مزاجه وبيتخيل الاشخاص اللى حواليه على مزاجه بس الصح انك تقدر تشد نفسك فى الوقت المناسب من قدامه وتقرب منه فى الوقت المناسب ..والصح انك تحدد مين فيهم ممكن يلسعك ومين فيهم يقدر يقعد جنيك علطول..

فى ناس كتيره راضيه انها تعيشها بطيبه وناس كتيره بتطلب معاها تعيشها بنفاق وخبث وفى ناس بتطلب معاها تعيشها على طبيعتها ولوقتها وللحظتها..

والناس دى حالها علطوا زى ما هو واستحاله يتعدل فيها حاجه الطيب طيب المنافق منافق الطبيعي طبيعي

الناس دى عايشاها كدا وبتعيشها كدا وحتعيشها كدا ..